lengi lifir í gömlum glæðum...

Nýtt blogg

2005-12-29T09:52:00.000Z

HÆ hæ, er búin að flytja mig um set - vonandi að ég verði duglegri að blogga þar :)
en slóðin er http://www.blog.central.is/hildursolveig endilega kíkið við!

Öflugt sumar

2005-06-27T13:42:00.000Z

Þetta sumar stefnir í að vera bara alveg ágætt.... :)
Það sem af er sumars hef ég m.a. afrekað eftirfarandi:
1) Farið til Spánar og m.a. hlustað á R.E.M. (sorry Davíð... varð bara að rub it in einu sinni enn!)
2)Farið í þrjú útskrifarpartý (Kristín og Guðný, mamma og Bjarki Steinn - Til hamingju!!!!)
3) Farið upp á Molda og Heimaklett
4) Keypt mér kort í Þrek!
5) Djammað á Lundanum og Hressingarskálanum
6) Kíkt í Nauthólsvíkina :)

Það sem er til stefnu....
1) Ferð út í Elliðaey á laugardaginn
2) Goslokadjamm í skvísusundi næstu helgi
3) Flutningar á nýja heimilið mitt, Sólhlíð 7
3) Stuðmannaball 9. júlí
4) Fullt af fjallgöngum og útiveru
5) ÞÞÞÞJJJJÓÓÓÐÐÐHHHÁÁÁTTTÍÍÍÐÐ!!!!!!!

Gaman, gaman gaman....

Ferðasagan mikla!

2005-06-14T10:45:00.000Z

Þá er komið að því sem allir hafa beðið spenntir eftir.. :)
Eftir REM tónleikana var haldið heim (þó svo fæstir tónleikagestir hafi verið á þeim nótum - (spurning um að hanga aðeins lengur og fylgjast með crowdinu NÆST) en amk þegar komið var heim voru menn orðnir ansi þreyttir og því var haldið í rekkjuna óvenju snemma.... Svo þessa vikuna voru 2 skýjaðir dagar og voru þeir nýttir í að skoða mallið í grenndinni vel, en svo var reynt að liggja í sólinni og baka sig eða skutla sér í ískalda sundlaugina á sólardögunum, kvöldin voru svo nýtt í að borða svakalega góðan mat, rölta á kvöldmörkuðunum, kíkja í tívolíið og spila pool og þar fram eftir götunum..... s.s. eins og einn frægur maður sagði þrisvar.. BARA SKEMMTILEGT!...
Svo rann upp miðvikudagur í seinni vikunni, þá lögðum við af stað um 2 til Alicante eftir að hafa bakað okkur einum of í sólinni, þar var gerð hörð leit að Nike factory store sem bar ekki mikinn árangur, en í staðinn voru bara ýmsar aðrar búðir skoðaðar og etið á Pizza Hut ;)
Svo um átta leyti fórum við á flugvöllinn til að sækja Eyrúnu og Davíð..........

...... Úfff þetta er orðinn svo langur pistill að ég er varla að nenna að halda áfram að skrifa, hvað þá að fólk eigi eftir að nenna að halda áfram að lesa! Anyways....

....... Þá var farið um kvöldið með þeim út að borða og dagurinn á eftir tekinn rólega með smá skoðunarferð um nágrennið og ég held meira að segja að við höfum farið þennan dag út að hlaupa!! nokkuð öflugt lið... En næsta dag var haldið á markaðinn og ýmislegt skoðað og prúttað. En svo um kvöldið grilluðu strákarnir þvílíkt gómsæta máltíð handa okkur stelpunum og m.a.s. grillaðir bananar í eftirrétt! Svo síðar um kvöldið var skellt sér á PACHA sem er eitt heitasta diskótekið þarna úti og það varð allt froðuvitlaust upp úr 3, (hef aldrei farið á svona froðudiskó áður) en þetta er himnaríki allra perverta, þú getir klipið og strokið eins og þú vilt og enginn sér neitt!!!! HE HE HE HE svo voru líka allir með vatnsbyssur, ef maður var ekki orðinn nógu blautur fyrir!!! En svo var maður að skríða heim á sjöunda tímanum - STUÐKVÖLD

En annars gerðist ekkert mikið merkilegt annað, JÚ við fórum í geðveikan skemmtigarð á sunnudeginum hjá Benidorm (ég þorði reyndar ekki í stærstu tækin) en man! þetta var geðveikt! Vorum í garðinum frá 10.00 til 20.00 frekar öflugur dagur þar sem var farið í vatnsrússíbana, klappað ljónsunga, farið í klessubíló osfrv....

Svo síðasta daginn voru nýjustu gæludýrin keypt og var mikið stress að smygla þeim til landsins á lífi ;) En gambagóa og Ross Skywalker (Davíð og Eyrún eiga hann) eru við góða heilsu í dag.... s.s. við keyptum sitthvora skjaldbökuna....vei!

Jæja omg ég held að enginn hafi nennt að lesa hingað þannig að það tekur því varla að kveðja......Adios amigos!!!

R.E.M. TÓNLEIKAR

2005-05-28T11:55:00.000Z

Thad var lagt af stad a Keflavikurflugvoll um hálf tíu á midvikudagsmorgun, búid ad skvera alla íbúdina og gera allt tilbúid fyrir brottfor. Thad var óvenju lítid verslad í Fríhofninni, heill snickerspoki og coke til ad hafa med í flugvélinni. Flugferdin var ágaet ad tví undandskildu ad audvitad fekk eg saeti sem ekki var haegt ad halla aftur!!! come on.. en jaeja tá var bara ad bida eftir tvi ad flugvelin taeki af stad.... en... nei thad var thriggja kortera tof, af tví ad auk thess ad kunna ekki ad tala ensku, ta virdast spanverjar heldur ekki kunna ad telja (samt agaetisfolk :) ) en thad sakadi ekki, var svo anaegd ad vera ad komast i fri ad thad skipti mig engu mali!
Svo komum vid út, flott vedur fyrsta daginn en samt farid varlega í oll sólbod, thannig ad vid kíktum í stórmarkadinn til ad versla og vitidi hvad... haldidi ad thar inni hafi ekki verid auglýsing um ad stórhljómsveitin R.E.M. aetli ad vera med tonleika annad kvold, t.e. 27. maí og thad hér í Torrevieja og nánast í bakgardinum okkar..... thannig ad thad var ekki hikad vid ad kaupa midana. Og í gaerkvoldi um hálf níu héldum vid af stad labbandi ad parque antonio soria og thvílíka mannhafid... og tónleikarnir voru rosalegir, mjog flott sýning og í heildina mjog flott tonlist!! A day to remember :)

3 DAGAR Í SPÁN!! can u believe it?

2005-05-22T13:24:00.000Z

Tíminn líður hratt... á gervihnattaöld.... já það er satt, mér finnst eins og það hafi verið í gær þegar ég sagði við sjálfa mig að nú væri komin tími til að spíta í lófana því það væru aðeins 4 vikur í próf!!! En nú eru öll próf búin og aðeins nokkrir dagar þar til ég verð sleikjandi sólina á suðrænni slóðum :) Annars er ég nú búin að vera dugleg að því sjálf hérna í höfuðborginni...
Sendi Sindra heim til að byrja að vinna og ég varð eftir til að þrífa íbúðina (já, alveg rétt þarf að fara að klára það dæmi) er bara búin að vera dugleg að æfa svo maður líti ágætlega út á sundfötunum, og inn á milli hef ég skutlað mér í pottana þar sem ég keypti mér kort í sundlaugum Reykjavíkur og það er sko búið að borga sig!! Er komin með þokkalegasta far :)
Svo er ég búin að vera í Eurovision stemmningu yfir helgina hjá pabba og þvílíku veislurnar, spurning um að allar æfingarnar hafi farið fyrir bí...

Ég hlakka svo til..ég hlakka alltaf svo til...

2005-05-11T12:55:00.000Z

Jamm.. búin með fyrra verklega prófið mitt. Það gekk ágætlega í morgun, var reyndar megastressuð eins og venjulega fyrir þess konar próf.
Núna bý ég meira eða minna í skógahlíðinni að æfa mig í að toga og teygja samnemendur mína, og ég get ekki beðið eftir laugardeginum...
Annað í fréttum, ég er nokkuð ánægð með þennan nýja fjölmiðil sem er komin í dagsljósið, Blaðið er í raun snilldaruppfinning, temmilega mikið af fréttum, íþróttum, slúðri, gagnlegri vitneskju og öllu þessu troðið í eitt blað, ég s.s. spara mér áskrift af morgunblaðinu, séð og heyrt, lifandi vísindum, vikunni með því að fá þetta yndi til mín alla virka daga og það fríkeypis! Tær snilld!
L8er

Prófatörn

2005-05-10T08:19:00.000Z

Aðeins 15 dagar í Spán, maður er orðin frekar spenntur!!! En verð að passa að láta ekki hugann reika alltof langt frá skólabókunum.... Ég komst að því ,,the hard way" í gær að það gekk ekki á þessari önn að læra ekkert yfir alla önnina og reyna svo að massa prófin, geri það ekki aftur :(
Anyways annars lítið í fréttum á tvö verkleg próf eftir þannig að þetta er allt saman að koma..

Upprisan

2005-04-06T10:47:00.000Z

Jæja, ég gafst upp á að vera svona mikill bloggletingi og ákvað að skella inn nokkrum línum svona til tilbreytingar :)
Er búin að vera alltof löt að læra.. ég sem ætlaði að nota páskafríið í eintóman prófundirbúning og ritgerðarsmíð, gerði lítið annað en að eta, sofa og horfa á sjónvarpið. Já og svo var ég nottla á fleygiferð á geggjuðu línuskautunum sem pabbi og Elín gáfu mér í afmælisgjöf...
Þannig að framundan verður greinileg erfið prófatörn þar sem ég er vart byrjuð að læra það sem af er önninni!!!! En einhvern veginn grunar mig samt að ég eigi eftir að finna tíma til að horfa á alla 2. seríuna af 24 og fjöldann allan af öðru frábæru sjónvarpsefni... þvílík örlög að vera sjónvarpsfíkill!
Þar til seinna (kannski miklu seinna)
Sigurðardóttir out!

Alvara lífsins...

2005-01-07T09:17:00.000Z

Jæja... þá er víst jólasælunni lokið :( Og við tekur heljarinnar átak við að reyna að ná af sér
aukakílóunum sem ég fæ bara ekki skilið hvernig laumuðu sér á mann :) ?!?!?
En annars er ég búin að fá eins mikið út úr jólafríinu og ég mögulega gat.. vann mér inn fullt af peningum, borðaði rosalega góðan mat, tók nokkur spil, horfði á margar góðar myndir og las ágæta bók sem hefur nú ekki gerst að undanskildum skólabækum í mörg mörg ár.
Ég lengdi m.a.s. jólafríið mitt með því að taka mér frí fyrstu þrjá dagana í skólanum.... i'm a wild girl! :)

Svo er það bara að hlaða renaultinn í kvöld því það er Herjólfur í fyrramálið og alvara lífsins framundan...

Jólafrí

2004-12-23T13:07:00.000Z

Dásamlegt!!! Komin heim í heiðardalinn... fór með Herjólfi agalega þreytt í gær, var búin að vaka til 4 nóttina áður við að klára að pakka öllu niður og reyna að skilja ekki allt eftir á rúi og stúi :)
Nú er ég komin á bak við gjaldkeraborðið og það er svo gaman að vera komin heim... hitta allt frábæra fólkið hérna í Eyjum og slaka aðeins á.
Veit ég er agalega hallærisleg að vera að semja jólaljóð en vildi samt a.m.k. senda smá kveðju til þeirra sem rekast á síðuna :)

Nú jólahátíð fer í hönd,

frelsarans við minnumst.

Þá styrkjast munu ættarbönd

og friðinum við kynnumst.

............

Hugur minn hjá ykkur er

kæru vinir hvar sem er

Við hittumst fljótt á ári nýju,

lifið heil við birtu og hlýju!

............

Ég óska öllum hér og þar

gleðilegrar hátíðar,

hamingju og farsældar

og þakka góðar minningar

REYKJAvík!!!

2004-11-23T15:59:00.000Z

Það var ekki mikið sofið núna síðustu nótt því ver og miður... :(
Ég var búin að vera í skólanum fram á miðnætti að vinna að stóru verkefni.. Sindri hafði sagt mér að það hefði kviknað í einu húsnæðinu við Klettagarða en ég hugsaði nú varla tvisvar um það. En þegar ég kom heim, þá lagði þennan svakalega reykjarmökk yfir heimahagana mína :(
Maður hélt fyrir vit sér á leiðinni úr bílakjallaranum og upp í íbúð. Sem betur fer var Sindri búinn að loka öllum gluggum þannig að það var nánast enginn reykur þar.
Ég var nú ekkert alltof róleg... var búin að pæla í að hringja í mömmu og gista þar bara, en maður harkaði þetta af sér.... :)
Það var nú reyndar bankað nokkrum sinnum upp á þess nótt, harðduglegir lögregluþjónar með gasgrímur að athuga hvernig við hefðum það, þar sem vindinn hefði hvesst.
En ekki þótti ástæða að rýma okkar blokkir (sem betur fer), þannig að við vorum ein af þeim heppnu í hverfinu sem gátu sofið heim (þó ekki hefði verið sofið mikið).

Helgin búin :(

2004-11-22T08:45:00.000Z

Jæja, þá er næstseinasta kennsluvikan hafin... Vá hvað tíminn getur verið rosalega fljótur að líða!
Annars er auðvitað allt brjálað að gera í verkefnavinnu samfara því að maður er að reyna að lesa upp allt það sem maður á að vera búinn að lesa í vetur...
Helgin var nú frekar róleg hjá mér.. ætlaði að reyna að læra mikið og skil eiginlega ekki af hverju ég gerði nú ekki meira af því?
Föstudagskvöldið: setið fyrir framan sjónvarpið og svo reynt að læra,
á laugardagskvöldinu skellti ég mér til Eyglóar vinkonu, mjög gaman að hitta nokkra Vestmannaeyinga aftur :)
Svo áður en ég fór heim pikkaði ég upp nokkrar blindfullar handboltagellur og skutlaði þeim á djammið :)
Sunnudagurinn: vaknað tiltölulega seint og megnið af deginum fór í crazy verkefnavinnu!
Jæja... bless í bili, ég ætla að reyna að sökkva mér ofan í bækurnar í eitt skiptið fyrir öll
Cya

Fram-ÍBV

2004-11-09T14:49:00.000Z

Hjúkk..loksins búin að skila af mér tölfræðiverkefni dauðans, held samt að þetta hafi nú alveg gengið ágætlega hjá mér :)
Annað í fréttum... 19.15 Safamýrin í kvöld, það er málið!
Stórleikur milli Fram og ÍBV í kvennadeildinni. Fram er búið að vera að sækja í sig veðrið, vann Gróttu/KR síðasta laugardag, ÍBV hefur hins vegar ekki átt góðu gengi að fagna nýverið þannig að það er mikið í húfi! Verður vonandi spennandi leikur....

Allt á tjá og tundri!

2004-11-09T08:40:00.000Z

Laugardagurinn síðasti var nú nokkuð magnaður...
Fyrir það fyrsta þá var ég orðin nokkuð stressuð að vera ekki búin að redda mér miða á Sálarballið sem átti að vera um kvöldið á Nasa.
Við reyndum að fá miða á föstudaginn en allt var uppselt, þá var sagt að óseldir miðar yrðu seldir seinnipartinn en ekkert gekk að ná í miðasöluna :(
Þar sem ég var nú orðin tiltölulega vonlítil ákvað ég að reyna síðasta hálmstráið, sem by the way var nokkuð desperate (to say the least).
En allavega þá hafði enginn annar en sjálfur Stefán Hilmarsson sent mér óvart tölvupóst einhvern daginn sem átti að fara eitthvað annað og því var ég með netfangið hans í póstinum...
og já you gessed it... ég sendi honum tölvupóst, bjóst reyndar náttla ekkert við að hann myndi lesa háskólapóstinn sinn á laugardegi og hvað þá ómaka sig við að svara pósti frá einhverju stokker!!!
En viti menn, haldiði að kallinn hafi ekki bara svarað. Reyndar gat hann nú ekki mikið hjálpað mér... ég og Eyrún þurftum að standa í röð kl. 23.20 til að ná síðustu miðunum... en allt fór vel á endanum og ég skemmti mér bara konunglega á ballinu :)

Erfiður föstudagur!!!

2004-11-06T13:09:00.000Z

Jamm.. föstudagurinn var svoldið erfiður.
Byrjaði kl. 9 með bandýi í sal Háskóla Íslands.
1. árið á móti 2. árinu, það var nokkuð mikið stuð og mikið hlaupið.
Fékk meira að segja kylfuna í hausinn frá Einari Carli og kúlu og allt eftir það.
Það var bara gaman.. það er amk. ekki hægt að segja að maður sé ekki að taka þetta alvarlega!
Svo var klukkutíma pása þar til þjálffræði tíminn sem Rannveig og Haukur áttu að sjá um byrjaði þannig að ég fór að asnast eitthvað til að lyfta! Tók 200 kíló í fótapressu og alles!
Svo var þessi brjálaði eróbikk tími hjá krökkunum kl.11 þannig að ég var alveg búin um hádegi.
Handboltaæfing svo kl.5 þannig að maður var orðinn frekar þreyttur í fótunum.
En ég ætla ekki að kvarta, hlýt að hafa brennt helling af kaloríum þannig að ég hef engan móral yfir því að sukka svoldið um helgina!

Ísland á iði!

2004-11-03T14:51:00.000Z

Hvað er eiginlega að gerast með vora ástfögru ylhýru fósturjörð?
Fólk er farið að drepa mann og annan, það er orðið nánast daglegt brauð að
hnífum sé sveiflað um allar götur og stræti...
...í ofanálag er Vatnajökull að springa!!!

Ætli næsta sé ekki bara að Kerry verði forseti og segi hernum að hypja sig héðan....
.....you never know....

Seint koma sumir en koma þó :)

2004-08-19T12:21:00.000Z

Já, ég er á lífi :)
Best að nota tækifærið á meðan það er lítið að gera í vinnunni og láta heyra aðeins frá mér.
Kíkti í höfuðborgina síðustu helgi, sýndi poloinn okkar (greyið er til sölu) en hann er þó ekki seldur þó margir séu áhugasamir.... kíkti til Elfu Ásdísar á Njálsgötu 96 og það er alveg svakalega kósý hjá henni og Eygló og vil ég bara enn og aftur óska þeim til hamingju með þetta allt saman :)
Svo skellti ég mér bara á Skagann, kíkti á gamla settið (he he he) pabba og Elínu og var bara mjög ánægð með þann túr, ég byrjaði á að skella mér í sólbað á pallinum hjá þeim, svo voru grillaðar gómsætar kjúklingabringur, mmmm......, eftir matinn skelltum við okkur svo á golfvöllinn og spiluðum 6 holur, ég er nú orðinn meiri golfarinn, spurning um að splæsa bara í árgjald einhvern tímann við tækifæri og gera þetta af einhverri alvöru :)
Jæja, eftir golfið lá svo leiðin heim, þar var spilað og svo loks út í pott.
Frábær endir á góðum degi!

Golfmót Íslandsbanka

2004-07-21T10:59:00.000Z

Síðustu helgi tók ég þátt í golfmóti á vegum starfsfólks Íslandsbanka. Þvílíka stuðið.
Ég er komin með algjöra golfbakteríu, hef yfirleitt hugsað þetta sem sport eldra fólksins en þetta er ekkert smá gaman. Sérstaklega þegar gengur vel!
En anyways, ég, Thelma Rós, Betsý og Styrmir rúlluðum þessu golfmóti upp og ég fékk í verðlaun 5000 kr. úttekt í fataverslun ÍBV íþróttafélags. Nokkuð gott, þá get ég a.m.k. haldið áfram að mæta á Fram æfingar merkt ÍBV í bak og fyrir :)
Eftir golfmótið var svo grillað í golfskálanum og þvílíkt góður matur borinn fram.
Næst var óvissuferð, þá var skipt í ný lið og önnur keppni haldin. Byrjað var á því að dorga á bryggjunni, svo var spurningakeppni á flakkaranum og endað í lítilli laut suður á Eyju þar sem kveikt var í varðeld og sungið.
Þetta var ágætis upphitun fyrir þjóðhátíðina sem nálgast óðfluga......

METALLICA !!!!!!

2004-07-06T12:31:00.000Z

Sunnudagurinn var bara snilld! Ég og Sindri fórum úr Skvísusundinu um fjögurleytið og maður fékk kannski svona tveggja klukkutíma svefn þar til við lögðum af stað í Herjólf. Dee sem ætlaði að skutla okkur til RVK var agalega hress eftir að fara nánast beint úr Skvísusundinu, þannig að Sindri keyrði micruna. Við lögðum af stað á Selfoss þar sem við náðum í Eyrúnu sem hafði verið á hestamannamótinu á Hellu.
Ég var reyndar ekki með neinn miða á tónleikana.. en þetta reddaðist. Júlla í Hressó seldi mér miða og ég komst á tónleikana og vá hvað þetta var geggjað!
Við fórum fyrst til Jóns Helga þar sem allhörðustu Metallica aðdáendurnir höfðu safnast saman :). Svo var lagt af stað í Egilshöllina um hálfsjö.
Við hliðið var leitað á manni frá toppi til táar og þar fékk maður armband til að komast á A-svæði. Brain police var að klára þegar við vorum mætt. Mínus byrjaði stuttu seinna og þó mér finnist tónlistin ekkert frábær hjá þeim þá var framkoman geggjuð.
Svo byrjaði eftirvæntingin, allir orðnir geggjað spenntir og maður orðinn brjálað sveittur án þess að hafa hreyft litla fingur!
Svo var Metallica frábær!!!!! Þó svo ég hafi ekki verið neinn brjálaður aðdáandi þá er ég orðinn það núna og sé einna helst eftir því að hafa ekki kunnað alla textana utanað!

Goslokahátíðin

2004-07-06T09:55:00.000Z

Síðasta helgi var heldur betur mögnuð!!!
Ég fór út í Elliðaey með Elfu Ásdísi og Guðrúnu Maríu á vegum Eyverja og það var frábært. Þó svo ég hafi reyndar ekki haft tíma til að kaupa mér neitt á grillið þar sem ég var að verða of sein (kemur á óvart). Ég var bara dugleg að sníkja pulsur :)
En þar var sungið og trallað við varðeld og þokkalegur þjóðhátíðarfílingur. Áki sýndi auðvitað snilldartakta á gítarnum eins og venjulega.
Svo kom Sindri í land um kl. 1 einmitt þegar við vorum að koma frá Elliðaey. Þá var haldið í Skvísusundið til að taka þátt í goslokahátíðinni.
Þar var geggjað stuð og heilmikill þjóðhátíðarfílingur kominn í mannskapinn!
Það sem stóð upp úr þar að mínu mati var það þegar Skrattinn sjálfur (Sindri Haraldsson) söng (öskraði) uppi á sviði við mikla hylli áheyrenda :)
Þetta var ágæt upphitun fyrir það sem á eftir mundi koma......

Hamingjuóskir

2004-06-24T14:25:00.000Z

Haldið þið að hún Eygló sæta sé ekki bara orðin íbúðaeigandi! Ég vil bara nota tækifærið og óska henni kærlega til hamingju með það.
Ég fór að hugsa þetta og pæliði í þessu... við vorum bara smástelpur að leika okkur í körfubolta og velta fyrir okkur tilgangi lífsins og nú er ég komin í sambúð og hún á sína eigin íbúð... vá hvað maður gerir sér ekki grein fyrir því hvað tíminn er fljótur að líða!!!

Komin í sumarfrí!

2004-06-23T14:23:00.000Z

Loksins loksins, nú er þetta prófastand á mér loksins búið og ég get farið að njóta lífsins!! en auðvitað um leið og ég er komin í frí þá er hætt að vera brakandi sólskin, en það sakar ekki því svo ég vitna í hann Helga Björns: ,,mér finnst rigningin góð, tralalala.. úú" og það er margt skemmtilegt hægt að gera í rigningu ef það er ekki of mikið rok, t.d. fara í góðan göngutúr eða út að hlaupa.. eða þá bara að leggjast í sófann með fjarstýringuna í annarri og popp í hinni og slaka aðeins á!

Sigur !

2004-06-10T09:49:00.000Z

Úff, fór á handboltaæfingu í gær... hef ekki farið á svona púlæfingu síðan í byrjun maí og það var frekar erfitt að halda sér í gangi allan tímann! En þetta var svo gott eftir á! Svo á ég eflaust eftir að verða með magnaðar harðsperrur það sem eftir lifir vikunnar :) he he...
En í öðrum fréttum þá hittust ég, Sindri, Ívar og Sæþór jó heima hjá mér í gærkvöldi til að prufa Friends spilið hans Sæþórs.. nokkuð öflugt spil, sérstaklega fyrir gallharða friends aðdáendur. Sigurvegarinn var auðvitað enginn annar en ég :) Takk fyrir það,
en ég veit samt ekki alveg hvort maður ætti að vera hrósa sér af því að vita mest um friends, því það þýðir bara það að ég hef sóað mestum tima í að horfa á einhvern gerviraunveruleika... en ég meina þessir þættir eru náttúrulega tær snilld og ef ég ætla að vera sóa tímanum yfir höfuð þá er engin betri leið til þess!

Helgin framundan :)

2004-05-28T14:41:00.000Z

Jæja þá fer að styttast í það að helgin skelli á...
Aftur partý í vinnunni, það er nú meira stuðið hérna.
Pinnamatur kl. 18, svo hafði ég nú hugsað mér að kíkja á Eyjavision í kvöld svo ég fái nú eitthvað að segja um það hvaða lag verði þjóðhátíðarlagið okkar :)
Svo er það auðviðað ungfrú Ísland á laugardagskvöld.. ÁFRAM GUÐRÚN LENA!

Vinnan hafin!

2004-05-25T13:52:00.000Z

Þá er maður kominn á fullt í vinnuna, er að vinna fyrir hádegi á skiptiborðinu þessa vikuna og í afgreiðslunni eftir hádegi. Nokkuð ánægð með það :) Annars er alltaf voða gaman að byrja aftur að vinna :)
Ekkert smá næs að geta horft bara á sjónvarpið eftir vinnu án þess að hafa móral,, ekki það að maður hafi ekki horft á nóg sjónvarp í vetur heldur var mar alltaf með nagandi samviskubit yfir því :)

Best að halda áfram að vinna, annars er kokkteilboð kl. 5 þannig að það á
eflaust eftir að verða heljarinnar fjör hérna á eftir :) VÚHÚ

Heim á leið

2004-05-21T15:39:00.000Z

Úff... búin að vera að þrífa íbúðina hátt og lágt í allan morgun og er ekki einu sinni búin! Þá er líka eftir að pakka öllu draslinu sem maður ætlar að taka með sér. Svo tekur maður auðvitað alltaf allt allt of mikið með sér... en svona er það víst að vera stelpa :)

Ætla að fara með Herjólfi í hádeginu á morgun ef allt gengur eftir áætlun....
Þó mig hlakki voða mikið til að koma aftur heim, þá er líka svoldið skrítið að vera að fara úr höfuðborginni og sérstaklega íbúðinni okkar.
Þó ég eigi ekki eftir að sakna þess að vera að meðaltali 1-2 klukkutíma í bílnum yfir daginn þá á ég eftir að sakna alls fólksins sem ég hef kynnst hérna í vetur og vona bara að hitta það aftur sem fyrst!

Vonandi koma bara sem flestir á þjóðhátíðina og heilsa upp á mig :)

Sumarfrí ????

2004-05-19T16:31:00.001Z

Ég hélt að þegar mar kláraði prófin og þá yrði ekkert nema sælan, amk þar til vinnan hefst að alvöru, en ég virðist eitthvað vera voðalega dugleg að finna mér eitthvað að gera :)

Anyways.. ég og das zwillinger vorum þess heiðurs aðnjótandi að leika í tónlistarmyndbandi hjá Mariu Mene, við s.s. sátum saman á Thorvaldsenbar frá kl. 08.00 í morgun til hádegis (eflaust ekki margir afrekað það ) og spjölluðum, reyndar sat greyið Steinunn hjá einhverri ókunnugri stelpu og ég og Sigga sátum saman, þetta var svo sem ágætt, við gátum alveg spjallað og það var virkilega gaman að snúa sér aftur að leiklistarferlinum, (lol.... þar sem það er nú svo flókið að sitja á stól).
Svo þegar klukkan sló tólf, hitti ég Fram gellurnar á Pizza Hut Sprengisandi þar sem var gúffað í sig af hádegisverðarhlaðborði, vá hvað ég fékk mikið fyrir peningin þar :)
eftir það var svo haldið upp í Breiðholt þar sem var chillað í heitum potti.

Núna er ég að fara að gera mig reddí til að mæta upp í Safamýri kl. 18.30 þar sem verður eflaust svolgrað í sig einhverjum drykkjarföngum áður en haldið verður á rándýra barinn á Broadway !!:)

En annars vil ég bara enda á að óska afmælisbörnum dagsins innilega til hamingju með daginn og þar ber helst að nefna minn heittelskaða Sindra, Steinu og einnig Írisi Sigurðardóttur.

Menningarferð

2004-05-17T16:55:00.000Z

Ég og Eygló vinkona vorum heldur betur menningarlegar í dag! Fórum upp í topp hallgrímskirkju, kíktum í garðinn hjá listasafni Jóns Einarsson, mæli eindregið með því! Fullt af glæsilegum höggmyndum. Jæja eftir það hittum við mömmu og hún bauð okkur bara upp á ís á Ingólfstorgi :) en verst var að um leið og við settumst niður í sólinni, þá hvarf hún milli skýjanna og okkur varð frekar kalt!
En þá héldum við Eygló menningarferðinni áfram, fórum á málverkasýningu Steinunnar Eldjárn í Ráðhúsinu svo ætluðum við að kíkja á Listasafn Reykjavíkur en auðvitað var opið þar alla daga vikunnar EXCEPT MONDAYS!!!! Ohhh... man! en þá fórum við bara upp í Perlu í staðinn og skoðuðum útsýnið yfir höfuðstaðinn, nokkuð flott það.
En svo var deginum slúttað með því að fara í Bónus og versla í matinn, því ég ætla að reyna að elda eitthvað flott handa sjómanninum mínum sem er að koma í land, Vúhú!!!
Veit nú ekki alveg hvernig það á eftir að enda .....

Fyrsta bloggið

2004-05-16T19:11:00.000Z

Jæja hvað haldiði, gellan bara komin með blogg!!!
Nú er ég að fara að vinna í að setja kommentakerfi og kannanir, linki og alls konar fítusa sem elsku Eygló ætlar að vera svo góð að hjálpa mér við :)